الاثنين، 21 مايو 2018

مع سبق الإصرار







أنصفتني الأقدار حين منحتني رجلاً كـ أنت
في أقصى نوبات جنوني تمكن من كلي
وحواسي تعلن الحرب
تشد وثاقك على خاصرة قلبي
تتقلب بين نبضي وعقلي
تخرجني من أي فكرة نافذة خارج حدودك
تجعلني لاأفهم إلا أني أحتاجك أحتاجك..
حاجة المتسول لكسرة خبز
حاجة العاقر لبكاء طفله
أحتاجك حتى لا أمرض من النوم على أطراف أحلامي
والوقوف على خط مستقيم خارج حدود الكرة الأرضية !

كل مساء ترتفع درجة حرارة عشقك ،،
لأتصبب شوقاً ترتعش أطرافي الباردة في غيابك
ويبدأ قلبي بـ الهذيان
ويصرخ صوت حواسي بـ اسمك ..
تصفر كريات حنيني
وتغلي اللهفه في "وتيني" ..
ولكني أمتنع عن تناول مضادات الحنين

لأنني ياحبيبي .......
" عاشقة مع سبق الإصرار"


باحثة عن النـــور
(22/12/2011)

السبت، 14 أبريل 2018

طاقة نور

يحدث أن يقوم أحدهم بإضاءة بقعة مظلمة احتلت دنياك،
وكنتَ قد فرغت من آخر طاقات النور بداخلك للتغلب عليها
باحثــــة عن النــور

الاثنين، 1 يناير 2018

دعوة للحياة 2018



في السنة الجديدة ..
أدعوكم وأدعو نفسي قبلكم إلى :

👈 البعد عن أي شئ وعن أي حد يستهلك طاقتنا النفسية .

👈 نشيل جوه قلوبنا الناس اللى طلعنا بيهم السنة الماضية .. الناس الجدعان بزيادة ؛ الطيبين بزيادة ؛ أصدقاء الأيام ، اللى معانا في الشدّة قبل الرخاء .

👈 نسترد نفسنا بكل تفاصيلنا .. النضوج والجنون والطفولة وحتى الوحدة والحزن،،،، نعمممم حتى الحزن اللي بيخلينا نخرج بعد موجة الأحزان شخصية جديدة مش سهل الكسر ....
 
👈 نستقبل السنة الجديدة بِـ كَم كبير من الصبر ؛ ومخزون كبير من الحُب والإقبال على الحياة حتى لو الحياة نفسها رفضت حماسنا أو استهانت بيه ....


هيااااا لنكوووون معاندين للوجع ... 
لنكون أكثر صبراً وثقة بالله ... 
لنكووون كما أراد لنا الخالق مكرمين رافعين الرأس
 ❤❤❤

د/ إيمان يوسف
الباحثة عن النـــور 
1/1/2018



الأربعاء، 13 ديسمبر 2017

خبايا النفوس




- فى كتاب ( التفسير العلمي للسعادة والضحك والنوم ) ذكر الكاتب ( د.أحمد مستجير ) " قصة حقيقية حصلت لواحد إنجليزى إسمه ( ويلي أندرسون ) .. "ويلى" كان بيدفن أمه اللى اتوفت فى لندن .. " ويلى " كان وحيدها وحرفيًا ماكنش ليهم إلا بعض فتقدر تفهم من هنا شكل حزنه عليها كان عامل إزاى .. وهو شايل النعش بتاعها مع كذا واحد تانى ونازل بيه القبر والناس كلهم باصين عليه، ورغم دقة الموقف الكل إتفاجأ بيه إنه ساب النعش فجأة وضحك ! .. ضحكة مكتومة فى الأول حاول يداريها بـ كف إيده بس مقدرش .. بقت ضحكة بـ صوت .. شوية والضحكة بقت قهقهة بصوت عالى أكتر ! .. كل ده والناس اللى حاضرة الجنازة مذهولين من الجنان اللى حصل لـ "ويلى" ده ومحدش عارف سببه رغم إنه فى الطبيعى كان شاب عاقل يعنى .. بس حتى لو طلبت معاه جنان أكيد يعنى مش هيكون فى الموقف ده .. حالة من الضحك الهيستيرى صابته وسيطرت عليه وطلع يجرى بعيد .. الناس جريوا وراه ومسكوه وهما متأكدين إن فيه حاجة مش طبيعية حصلت فى عقله .. نقلوه المستشفى .. إتحجز هناك يومين وبعدها مات ! .. لما أتفحصت الجثة بعد وفاته أكتشف الدكاترة إن كان فيه ورم موجود فى شريان فى قاع المخ إنفجر؛ ولما إنفجر ضغط على غدة إسمها ( الهيبوثالامس ) وبعض الشرايين اللى حواليها، وإن ده هو اللى سبب لـ "ويلى" حالة الضحك غير المبررة .. ماكنش ضحك هزار ولا فرفشة ولا جنان .. كان ضحك لا إرادى إتسببت فيه ضغط الدم على الغدة دى .. بمعنى أدق كان بيموت من الوجع وشكله بيضحك .. نوبة إكتئاب حادة أصابت أصدقائه الثلاثة لمجرد إنهم حسوا بإساءة الظن ناحية صديقهم لأنهم حكموا عليه من مظهره ومحدش حط إحتمال ولو 1% إنه معذور. 

***************************


• ناس كتير لابسة بدل وظاهريا رائعين بس أخلاقهم زفت أجارك الله؛ وناس تبان بسيطة وعادية بس وأغلى من انها تتقدر بالدهب وأقل واجب معاها انها تتشال على الراس .. 

كلنا صغيرين وكل واحد فينا أقل فى نظر فئة معينة تانية أكبر منه ! .. عشان كده الفيصل دايماً هو ( جواك نضيف والا ظاهرياً فقط!) .. عامل الناس زى ما تحب تتعامل وباللى تشوفه منهم .. ماتحكمش على الناس من مظهرهم محدش عارف مين فينا أحسن عند ربنا من مين .. خُد بالك من كلامك ، تصرفاتك ، ونظراتك للناس .. كتير منها بيخرج منك بقصد أو بدون بعنصرية ناحية شخص و تقتله مع إنه ممكن يكون أحسن منك فى كل حاجة .. 

محدش بياخد كل حاجة .. كلنا مليانين جروح مش متشافة والكل بيتدارى ورا شوية معافرة .. 

****************************** 


*** وفي النهاية.. أحب ان استشهد بقول الأديب "يوسف السباعى" عندما قال : ( لوُ استطعنا الوصول إلى اختراعٍ نُبصر به دخائل النُفوس ونطلع به على خبايا الأفئدة لأدهشنا الفرق بين ما تضمر وما تظهر وصدمنا التَناقض بين ما تَكشف عنه الأعماق وما تبديه لنا المظاهر). 

والحمد لله أننا لا نطلع على هذا الخراب والدمار! 




باحثــة عن النــور9/10/2017 



مع سبق الإصرار

أنصفتني الأقدار حين منحتني رجلاً كـ أنت في أقصى نوبات جنوني تمكن من كلي وحواسي تعلن الحرب تشد وثاقك على خاصرة قلبي ...